اخبار النتيجة

• تتوجه ادارة موقع شباب تجارة بالشكر للأستاذ الدكتور على الديب وكيل الكلية لتواصله المستمر معنا وامدادنا بجميع المعلومات اللازمه
• اولا نتيجة الفرقة الرابعة مساء يوم الخميس القادم ان شاء الله على ان يكون الافاده يومى الجمعه والسبت (الافادة دى للجيش فقط لمواليد النصف الاول وعلى جميع الطلاب الذين لديهم نصف اول استغلال يومى الاربعاء والخميس لانهاء اجراءات المصاريف واخلاء طرف المكتبه وكل الاوراق الخاصه قبل استلام الافاده يوم الجمعه او السبت ) ويرجى عدم تواجد البنات او مواليد النصف الثانى تيسيرا على زملائهم الطلاب علما بان الجيش حتى الان هيكون اخر ميعاد ليه هو يوم الاحد القادم ان شاء الله حسب المواعيد التى تمت مؤخرا على ان يكون نتائج الفرق الثالثه والثانيه والاولى بعد ظهور الفرقة الرابعه وبحد اقصى يوم الجمعه مساءا سوف تكون جميع النتائج ظهرت
• ثانيا تتكون لجنه الممتحنين من العميد ووكيل الكلية لشئون الطلاب وروؤساء الاقسام واستاذ من كل قسم (لازم يكون عضو فى مجلس الكلية ) ده تشكيل اللجنه التى من حقها رفع اى نتيجة او اتخاذ اى قرار بخصوص النتيجة ثالثا للطالب العادى الحق فى الحصول على 4 درجات لمواد السنه الدراسية التى عليها و 3 درجات لماده التخلف يعنى لو طالب فى سنه تالته ومعاه ماده من تانية ليه الحق فى انه ياخد 4 درجات للمواد الخمسه بتوع تالته و3 درجات لماده التخلف بتاعت تانية ولكن شرط انه ياخد ال 4 درجات دول بأقصى حاجه يكون 3 درجات للماده الواحده رابعا لو طالب معرض للفصل من الكلية بيكون ليه درجات رافة مضاعفة وليه حد اقصى 4 درجات فى المادة الواحده يعنى لو 6 ممكن تترفع فى حاله انها خلاص تجاوز حالات الرسوب ووصل لمرحله الفصل من الكلية
• القرار الذى اعتبر فى الكلية تاريخى لو طالب معاه ماده 6 طبعا بقواعد الرفع العاديه لا يجوز انه ياخد 4 درجات كامله لان ذلك يخالف قانون تنظيم الجامعات وعلى ذلك فقد تم اتخاذ قرار ان الطالب الذى يحتاج درجه واحده علشان يستفيد من الرأفه تعطى له شرط انه ان يكون الدرجه دى لم ترفع من قبل اللجنه من قبل وعلى ذلك اللى جايب ناجح بس معاه ماده 6 هياخد درجه 6+1=7 ويبدا بها درجات الرأفة 3 درجات وبالتالى ينجح وكذلك اللى معاه مادتين 7 و 8 هيكون ال 7 + 1 =8 بالتالى المادتين هيترفعوا وكذلك لو واحد شايل اكثر من 3 مواد اكبر درجه فيهم 6 يعنى لو واحد معاه مثلا 0 و 0 و 6 هيترفعلوا ال 6 دى وينجح بمادتين وهكذا وفى كافة الاحوال اضافة الرافه لازم تكون تغيير حالة الطالب اما ناجح مادة او مادتين وكمان تؤدى الرافة الى النجاح الصافى او لو طالب راسب تؤدى الى نجاحه بمادتين فمثلا لو طالب جايب 8 و 8 و 5 يترفعله 8 وينجح بمادتين اما فى حاله الرسوب لا قدر الله لو طالب معاه 6و0و0 هتترفع ال 6 وينجح بمادتين ولو طالب معاه 0و0و7و8 هتترفع ال7 تبقى 8 وياخد الرافه وينجح فى بمادتين وبفضل من الله مئات الطلاب طلعم صافى بفضل هذا القرار خصوصا فى سنه رابعة وتالته العدد كان كبير جدا وهنزل اسماء الطلاب جميعا الذين استفادوا من هذا القرار
• خامسا سبب تاخير النتيجة تاخر الامتحانات نتيجة تأخر بدء الفصل الدراسى الثانى تزامن انتهاء الامتحانات مع بداية امتحانات التعليم المفتوح وانشغال الدكاتره باعمال المراقبه دخول شهر رمضان الكريم القرار التاريخى باضافة الدرجه ونتج عنه انه طبق يدويا لانه غير موجود على البرنامج الخاص بالنتيجة ولذلك فقد تم ذلك يدويا مما استغرق المزيد من الوقت خامسا كان الشغل الشاغل لدى الكلية الفتره الماضية هو الانتهاء من النتيجة مع تحقيق مبدأ العداله بين الطلاب وكذلك رفع نسب النجاح لوجود العديد من الحالات التى كانت منخفضه والحمدلله قد عدلت ونتج عن ذلك العمل المتواصل ليلا ونهارا حتى فى رمضان ومع الاحتفاظ ان النتيجه تكون بدقه متناهيه لانها مسؤليه امام الله
• سادسا بالنسبه لرفع المواد المنخفضه فى مواد اخدت 4ومواد 3 مواد درجتان حسب التوزيع داخل الماده مما ادى الى ارتفاع كبير فى النتائج الحمدلله هذا الترم
• أرقام الجلوس من هنا
• تابعونا فى الايام القادمة وسوف ننقل لكم المزيد من التفاصيل ان شاء الله
• نقلا من موقع شباب تجاره الموقع الرسمى لكليه التجاره جامعه القاهرة

احلى شباب

كليه التجاره من اعظم الكليات الى لها مكانه عاليه بين الكليات وهى اكبر كليه يتخرج منها العظماء من الوزراء والمناصب الكبرى والاجيال الصاعده التى تنهض بالامه لتصل بها الى الركب